Ýakyn wagtda Aşgabat we Yslamabat geljekki Türkmenistan – Owganystan – Pakistan – Hindistan gaz geçirijisinden geçiriljek gaz ibermelerini ätiýaçlandyrmak boýunça gepleşikleri geçirer. Bu barada ORIENT agentligi The News gazetine salgylanyp habar berýär.
Habar berlişi ýaly, Türkmenistan Owganystanyň territoriýasy boýunça gaz üstaşyr iberilende mümkin bolan gaz ýitgileriniň öwezini dolmak boýunça Pakistana ätiýaçlandyryş shemasyny hödürleýär.
Pakistanyň energetika ministrliginiň wekiliniň aýtmagyna görä, bu mowzuk 2020-nji ýylyň ýanwarynda türkmen wekiliýetiniň Yslamabada saparynyň çäklerinde anyklaşdyrylar.
Taraplar iberiljek türkmen gazy üçin hasaplama mehanizmlerini pakistan-owgan serhedine barjak fakt möçberinde durmuşa geçirmegi meýilleşdirýär.
Duşuşygyň gün tertibine şeýle hem Pakistan tarapyndan hödürlenilen nyrh emele getirmegiň täze formulasyna seredip geçmek hem giriziler. TOPH boýunça import ediljek gaz bilen hasaplaşmak üçin binýat hökmünde pakistan tarapy suwuklandyrylan tebigy gazyň bazar bahasyny peýdalanmagy teklip edýär.
Aşgabat TOPH boýunça ibermeleri ätiýaçlandyrmagyň shemasyny hödürleýär
- 17.12.2019 14:20
- 3.4k+
