Türkmenistanyň baş arçasy 15-nji dekabrda agşam Aşgabatda öz çyralaryny ýakar. Däp bolşy ýaly, baş arça «Älem» medeni-dynç alyş merkeziniň öňünde oturdyldy.
«Ýekşenbe güni agşam çagalaryň hem-de uly ýaşlylaryň, şeýle hem Aýazbabadyr onuň agtyjagy Garpamygyň sabyrsyzlyk bilen garaşýan pursady geler — ýurdumyzyň esasy arçasynyň çyralary ýakylar. Aşgabatlylar we paýtagtymyzyň myhmanlary bu gün «Älem» medeni-dynç alyş merkeziniň öňündäki meýdançada konsert programmasyna tomaşa edip bilerler» diýip, şäher häkimliginiň wekili CentralAsia.news agentliginiň habarçysyna gürrüň berdi.
Baş arçanyň yzysüre Türkmenistanyň ministrlikleriniň we edaralarynyň, guramalaryň, kinoteatrlaryň we söwda merkezleriniň, jemgyýetçilik guramalarynyň we kompaniýalaryň öňünde oturdylan arçalaryň ählisi hem öz çyralaryny ýakar.
Şu gün Türkmenistanyň baş arçasy baýramçylyk çyrasyny ýakar
- 15.12.2019 10:08
- 4.2k+
