ÝUNESKO-nyň Maddy däl medeni mirasy gorap saklamak boýunça komitetiniň Kolumbiýanyň paýtagty Bogotada geçirilen 14-nji mejlisinde däbe öwrülen dutar ýasamaklyk işi we onda saz çalmaklyk sungaty Adamzadyň maddy däl medeni mirasynyň sanawyna goşuldy. Bu barada ORIENT guramanyň internet portalyna salgylanyp habar berýär.
Bu barada arza Eýran tarapyndan berildi. Iki tardan ybarat bolan bu saz guraly Eýran, Merkezi we Günorta Aziýa ýurtlarynda giňden ýaýrandyr. Ol Türkmenistanda hem örän meşhurdyr.
Dutar — türkmen halkynyň köp asyrlyk sazçylyk medeniýetiniň aýrylmaz bölegidir. Islendik toý dabarasy ýa-da döwlet derejeli baýramçylyk çäresi halk aýdymçylarynyň — bagşylaryň çykyşlary bolmazdan geçirilmeýär. Ähli zamanlarda hem bagşylar halk arasynda uly hormatdan peýdalanypdyr. Olaryň atlary rowaýata öwrülip gidipdir.
Şükür bagşy bilen baglanyşykly bolan waka hemmeleriň ýadynda bolsa gerek. Meşhur bagşy sazyň güýji bilen gandöküşikli söweşiň öňüni alypdyr.
Bagşylar bilen bir hatarda dutar taýýarlaýan ussalar hem aýratyn hormata eýedir.
Dutar — ÝUNESKO-nyň bütindünýä mirasynyň sanawyna girdi
- 14.12.2019 11:32
- 3.2k+
