Türkmenistanda korrupsiýa üçin jenaýat jogapkärçiligine çekilenlere günäsini geçmek we amnistiýa çäreleri ýatyryldy. Prezident Gurbanguly Berdimuhamedow Türkmenistanyň Jenaýat kodeksine üýtgetmeleri we goşmaçalary girizmek hakynda degişli Kanuna gol çekdi. Bu barada «Нейтральный Туркменистан» gazeti habar berýär.
Kanuna laýyklykda, kodeksiň 80-nji maddasynyň üsti şu bölek bilen doldurylar: «Korrupsiýa we neşe serişdeleriniň, psihotrop maddalaryň hem-de olaryň prekursorlarynyň bikanun ýaýradylmagy bilen bagly jenaýatlar üçin iş kesilenler, günäkär diýlip tassyklananlar üçin günä geçmek we amnistiýa çäreleri ulanylmaýar». Neşe serişdeleriniň, psihotrop maddalaryň hem-de olaryň prekursorlarynyň bikanun ýaýradylmagy üçin jenaýat edenlere günä geçmekligi gadagan etmeklik 2015-nji ýylda kabul edildi.
Degişli Kanun onuň resmi taýdan neşir edilen gününden, ýagny 13-nji dekabrdan güýje girýär.
Belläp geçsek, Türkmenistanda günä geçmek çäreleri döwlet baýramçylyklary we şanly seneler mynasybetli ýylda birnäçe gezek geçirilýär.
Türkmenistanda korrupsiýa üçin iş kesilenlere günä geçmek çäresini ýatyrýan Kanun kabul edildi
- 13.12.2019 23:56
- 13k+
![Türkmenistanda korrupsiýa üçin iş kesilenlere günä geçmek çäresini ýatyrýan Kanun kabul edildi](https://tmcars.info/tmcars/images/original/2019/12/14/10/33/ccb093aa-9b69-4403-b54e-e89b22550e5c.jpg)