Bilermen türkmen talyplarynyň näçesiniň daşary ýurtlarda bilim alýandygyny aýtdy

2019-njy ýylyň güýzüne çenli ýagdaýa görä, Merkezi Aziýa boýunça synçy Wadim Şagiahmedowyň berýän maglumatlaryna görä, häzirki wagtda daşary ýurtlaryň ýokary okuw mekdeplerinde Türkmenistandan 95 müňe golaý talyp bilim alýar. Türkmen ýaşlary dünýäniň 61 döwletinde ýokary bilim alýarlar. Bu barada CentralAsia.news habar berýär.
— Türkmen ýaşlarynda ýokary bilim almaga bolan ymtylyş aýratyn duýulýar. 2019-2020-nji okuw ýylynda Türkmenistanyň ýokary okuw mekdepleri 12 müňden gowrak talyplary kabul etdiler. Ýerli ýokary okuw mekdeplerine girip bilmedikler daşary ýurtlara bilim almaga gitdiler. Munuň üçin, isleg bildirýänlere ähli zerur şertler döredilýär – diýip, bilermen aýtdy.
Ekspertiň maglumatlaryna görä, ýaş türkmenistanlylar, esasan, Russiýa, Türkiýä, Belarusa, Ukraina we Özbegistana bilim almaga gidýärler. Sanawy Gazagystan, Täjigistan we Hytaý dowam edýär.
— Türkmen talyplary Bu ýurtlary ýöne ýerden saýlanoklar. Birinjiden, bu ýurtlaryň ýokary okuw mekdeplerinde okuw üçin tölegler elýeterli. Ikinjiden, şol ýerlerde türkmenistanlylar aragatnaşyk etmekde, ýagny dil bilmekde kynçylyk çekmeýärler. Üçünjiden, bu ýurtlaryň eýýäm köp sanly ýaş talyplaryň okap ýörmegi, olaryň tiz uýgunlaşmagyna ýardam edýär – diýip ekspert belleýär.
Belläp geçsek, şu ýylda Türkmenistanyň ýokary okuw mekdepleri 12 müňden gowrak talyp kabul etdiler, şolardan 8 müňden gowragy tölegli esasda bilim alýar.