Täze ýyl baýramyny ýokary derejede belläp geçmek, şonuň bilen bir hatarda şäheriň seýilgähleriniň gözelligini artdyrmak maksady bilen Aşgabat şäher häkimligi dizaýnerleriň arasynda paýtagtyň seýilgähleriniň iň owadan Täze ýyl bezegi boýunça bäsleşik yglan etdi. Bu barada Orient habar berýär.
Bellenilişi ýaly, bäsleşik paýtagtyň iň gelim-gidimli ýerlerini ajaýyp bezegler bilen bezäp, Aşgabadyň ýaşaýjylaryna we myhmanlaryna ýetip gelýän Täze ýylyň baýramçylyk ruhuny sowgat etmek we baýramçylyk äheňini döretmek maksady bilen geçirilýär. Şol bir wagtda bezeg işlerinde milli äheňlere we sýužetlere aýratyn üns berilýär. Mysal üçin, däp bolan nagyşlaryň, halk ertekileriniň gahrymanlarynyň keşpleri has özüne çekiji hasaplanylýar.
Bäsleşigiň emin-agzalary Aşgabadyň 19 sany seýilgähiniň Täze ýyl bezegine baha bererler. Şolaryň hatarynda «Ylham» seýilgähi, Garaşsyzlyk seýilgähi, Kemine seýilgähi, «Delfin» seýilgähi, «Güneş» we beýlekiler bar.
Ýeňijiler 20-nji dekabrda yglan ediler. Olara ýadygärlik sowgatlar gowşurylar.
Şäher häkimligi seýilgähleriň iň owadan Täze ýyl bezegi boýunça bäsleşik yglan etdi
- 09.12.2019 15:49
- 5.3k+
