2019-njy ýylyň geçen 9 aýynda Türkmenistanyň we Russiýanyň arasyndaky haryt dolanyşygy geçen ýylyň degişli döwri bilen deňeşdirilende 80 göterim ýokarlandy. Bu barada Türkmenistanyň nebitgaz toplumynyň saýty habar berýär.
Iki ýurduň söwda-ykdysady gatnaşyklary ösüşiniň täze derejesine çykdy. Russiýaly işewür toparlarda we telekeçilerde ýurdumyzyň polietilen we polipropilen önümleri uly gyzyklanma döretdi. Russiýanyň Federal gümrük gullugynyň berýän maglumatlaryna görä, Türkmenistandan import edilýän harytlaryň sanawynda plastmass önümleri birinji ýerde durýar. Türkmenistandan Russiýa Federasiýasyna iberilen polimerleriň umumy bahasy 47 mln 665 müň amerikan dollaryna barabardyr.
2019-njy ýylyň 9 aýynda türkmen nebit önümleriniň eksportynyň bahasy 6,7 mln amerikan dollaryna deň boldy. Bu görkeziji geçen ýylyň degişli döwri bilen deňeşdirilende 6,8 esse köpdür.
Öň habar berlişi ýaly, Türkmenistan bilen Russiýa Federasiýasynyň arasynda gaz ulgamynda 2028-nji ýyla çenli hyzmatdaşlyk etmek hakyndaky hökümetara Ylalaşygy hereket edýär.
Türkmenistanyň we Russiýanyň özara haryt dolanyşygy 80% artdy
- 06.12.2019 12:07
- 3.8k+
