ABŞ-ny öwreniş maksatnamasyna gatnaşmak üçin anketalar kabul edilýär

ABŞ-nyň Türkmenistandaky ilçihanasy «Ýokary okuw mekdepleriniň mugallymlary we barlagçylar üçin «Amerikanyň Birleşen Ştatlaryny öwreniş institutlary» Maksatnamasyna gatnaşmak üçin açyk bäsleşik yglan edýär. Bu barada ilçihananyň saýtynda habar berilýär.
Maksatnama öz içine şu aşakdaky ugurlary alýar:
• Amerikan medeniýeti we gymmatlyklary
• Amerikan syýasaty we syýasy pikirlenme
• Häzirki zaman amerikan edebiýaty
• Žurnalistika we HBS
• Din azatlygy we plýuralizm
• ABŞ-nyň daşary syýasaty
• Ýaşlar, işçi güýjüni ösdürmek we başarnyklardaky boşluklary aradan aýyrmak
Dalaşgärler şu aşakdaky talaplara laýyk gelmeli:
• Dalaşgärler karýera ýolunyň ortasynda bolmaly, ýokary bilim edaralarynda zähmet çekýän tejribeli hünärmenler bolmaly.
• Dalaşgärleriň ABŞ-de çäkli iş/okuw tejribesi bolmaly ýa-da bu hili tejribe asla bolmaly däl.
• ABŞ-ny öwrenişi bilim maksatnamasyna goşmak, öwrenilýän institut boýunça täze predmetleri işläp düzmek, ABŞ boýunça bar bolan kurslary gowulandyrmak ýa-da giňeltmek boýunça anyk meýilnamalary bolan dalaşgärlere artykmaçlyk berilýär.
• Dalaşgärler karýera ösüş ýolunyň ortasynda bolmaly, adatça, 30-50 ýaş aralygynda bolmaly.
• Dalaşgärler intensiw okuw maksatnamasyna, şeýle hem okuw saparyna gatnaşmaga doly taýýar bolmaly.
• Her bir dalaşgär şu maksatnama näme üçin gatnaşmak isleýändigini, gatnaşyp näme gazanmak isleýändigini beýan etmeli (aýratyn sahypada).
• Dalaşgärleriň ählisi okuw materiallaryny öwrenmek hem-de seminarlara işjeň gatnaşmak üçin iňlis diline ýeterlik derejede erkin erk etmeli.
• Maksatnama aýratyn gyzyklanma bildiren dalaşgärlere artykmaçlyk berler. Bu barada olaryň öňki ylmy barlaglary, hünär işi habar berer.
Maksatnama uçuşyň, ýaşaýşyň, okuw materiallarynyň, lukmançylyk ätiýaçlandyrmasynyň we beýleki çykdajylaryň ählisini öz üstüne alýar.
Anketany şu salgy boýunça ýükläp alyp bolýar. Anketany özüň gowşursaň hem, elektron poçta arkaly ugratsaň hem bolýar.
Goşmaça maglumaty şu elektron salgydan alyp bolar: AshgabatEducation@state.gov.
Anketalar 2020-nji ýylyň 18-nji ýanwaryna çenli kabul edilýär.