BMW we Great Wall elektromobilleriň önümçiligi boýunça kärhana gurarlar

BMW we Great Wall bilelikde täze işe girişerler, onuň esasy maksady – Hytaýda ýylda 160 000 elektromobiliň önümçiligi boýunça kärhana gurmak. Onda BMW modelleriniň dürli görnüşleriniň önümçiligi, şol sanda elektrik Mini hem öndüriler.
Üç gapyly elektrik Mini Cooper SE geçen aýda hödürlenilipdi. Ol 184 at güýçli kuwwatly herekete getiriji bilen üpjün edilen we 100 km/sag çenli 7,3 sekuntda bat almaga ukyply. Hetçbegiň akkumulýator batareýiniň sygymy ýokary däl – bary-ýogy 32,6 kWt/sag., şonuň üçin bellenilen awtonomlygy – WLTP sikli boýunça 270 km çenli. Bu bolsa hakykatda onuň ýolunyň 200 km-e ýetjegi gümanly diýmekdir.
BMW-de Hytaý bazaryny geljegi uly hasaplaýarlar, şonuň üçin kärhana-da hut şu ýurtda dörediler. Kompaniýa onuň üçin 650 million ýewro maýa goýýar. Kärhana Szýansu welaýatynyň Çžanszýagan şäherinde ýerleşer.
BMW, umuman aýdanyňda, Hytaýyň elektromobilleriniň bazaryny haýran galdyrmaga dyrjaşýan ýeke-täk kompaniýa däl. Dünýäniň köp öndürijileri hem onuň geljegini ýokary bahalandyrýarlar.