29 ýaşly millioner nämä hiç haçan pul sarp etmeli däldigini aýtdy

Wideobloger Grem Stefan aýda $220 müň gazanýar we bu pullaryň bary-ýogy 1%-ni sarp edýär. Ol YouTube-daky wideoblog arkaly pul gazanýar, gozganmaýan emlägine maýa goýýar.
26 ýaşynda Stefan $26 mln gazandy. Häzir ol 29 ýaşynda, ol, esasan, tygşytlylygyň kömegi bilen millioner bolup bilendigini belleýär. “Men öz girdejimiň 99% töweregini tygşytlaýaryn, sebäbi meniň girdejim örän ýokary, çykdajym bolsa – pes” – ol aýdýar.
29 ýaşly millioner CNBC-de özüniň esasy ýörelgesiniň – puly kofä ýa-da gymmat eşige sarp etmezlikdigini gürrüň berdi. Ol Starbucks ýa-da Coffee Bean-däki bahalary “bolgusyz” hasaplaýar, şonuň üçin ol ýerden kofe satyn almaýar. Muňa derek ol kofäni özi taýýarlaýar – bir kürüşgä 20 sent gidýär.
Şeýle-de, wideobloger dizaýner eşiklere puly nädip sarp edip bolýandygyna düşünip bilmeýär. “Men Aldo ýa-da H&M gidip bahasynyň ýüzden bir bölegine meňzeş köwüş satyn alyp bolýarka, Gucci köwşüne $700 sarp etmegi manysyz hasaplaýaryn” – Stefan diýýär.
Öň maliýe maslahatçysy Sýuzi Orman kofe üçin iňňän köp pul sarp edýän ýaş amerikalylary ýazgarypdy. Onuň pikirine görä, bir stakan latte kofesini satyn almak — bu million dollary suwa akdyryp goýbermek diýip hasaplaýar. Çünki «Starbucks-yň» adaty müşderisi 40 ýylyň içinde şol assortimentiň kofelerini satyn almadyk bolsa, şonça gazanyp bilýär.