Aşgabatda şäheriniň täze ýaşaýyş zolaklaryny, durmuş we medeni ähmiýetli desgalary ulag kommunikasiýalary bilen üpjün etmek maksady bilen, Türkmenistanyň Senagat we kommunikasiýa ministrliginiň «Türkmenawtoulaglary» agentligi jemgyýetçilik ulaglarynyň täze ugurlaryny herekete girizdi. Bu barada «Türkmenistan» gazetine salgylanyp, Arzuw NEWS habar berýär.
Bellenilişi ýaly, № 41 we № 68 belgiler boýunça iki sany ugur işe girizildi. Bu ugurlarda döwrebap Hyundai awobuslary hereket eder. № 41 belgili awtobus «Awtokombinat — Atamyrat Nyýazow şaýoly — Andalyp köçesi — «Atamyrat Nyýazow şaýoly — «Altyn asyr» Gündogar bazary» ugry boýunça hereket eder. № 68-lik awtobus bolsa, «Bagyr – Görogly köçesi – Herrikgala – Gurbansoltan eje şaýoly – Aba Annaýew köçesi – Magtymguly şaýoly – Atamyrat Nyýazow şaýoly - «Altyn asyr» Gündogar bazary» ugry boýunça hereket eder.
Aşgabatda jemgyýetçilik awtobuslarynyň täze ugurlary hereket edip başlady
- 23.11.2019 06:36
- 5.5k+
