28-29-njy noýabrda Türkmenistanyň Prezidenti Gurbanguly Berdimuhamedowyň Özbegistan Respublikasyna iş sapary amala aşyrylar. Iki ýurduň Liderleriniň arasyndaky gepleşikler 28-nji noýabra meýilleşdirildi.
Saparyň çäklerinde Türkmenistanyň Prezidentiniň Özbegistan Respublikasynyň Prezidenti Şawkat Mirziýoýew bilen ikiçäk duşuşygynyň bolmagy meýilleşdirilýär. Iki ýurduň Baştutanlary hyzmatdaşlygyň ähli ugurlary boýunça türkmen-özbek gatnaşyklaryny giňeltmegiň mümkinçiliklerine serederler.
29-njy noýabrda Türkmenistanyň Lideri Merkezi Aziýa döwletleriniň ikinji Konsultatiw duşuşygyna gatnaşar. Onuň dowamynda döwlet Baştutanlary söwda-ykdysady, ulag-kommunikasiýa we medeni-ynsanperwer ulgamlara degişli bilelikdäki taslamalary durmuşa geçirmegiň barşy barada maslahatlaşarlar.
Merkezi Aziýa döwletleriniň Baştutanlarynyň birinji Konsultatiw duşuşygy 2018-nji ýylyň martynda Gazagystanyň paýtagty Nur-Soltanda geçirildi.
Türkmenistanyň Prezidenti Özbegistan Respublikasyna iş saparyny amala aşyrar
- 23.11.2019 06:20
- 3.7k+
