Birmingem (Beýik Britaniýa) uniwersitetiniň alymlar topary fiziki maşklaryň haýsy şertlerde ýürek keselleriniň we diabetiň öňüni almaga has täsirlidigini kesgitlediler.
Barlag üçin semizligiň dürli derejesi bolan 30 sany adamdan fokus-topar düzüldi. Ýarym aýlap meýletinçileriň bir topary maşklary ertirlik edinmezinden öň yzygiderli ýerine ýetirdiler, ikinjisi – ertirlikden soň, üçünji topar asla maşk etmedi.
Analizler birinji toparyň netijeleriniň umumy saglyk we organizmi berkitmek meýilnamasynda ikinji toparyň görkezijilerinden iki esse ýokarydygyny görkezdi. Ertirlikden öň maşk eden adamlarda glýukozanyň derejesi sazlandy, organizmiň insulin “çapyşyklaryna” täsiri has barabar boldy.
Ekspertler netijä geldiler: ýürek keselleriniň we ikinji görnüşli diabetiň ýüze çykmak howpuny düýpli aýyrmak üçin birinji topar tarapyndan peýdalanan grafik has laýyk gelýär. Iýmitden öň ýerine ýetirilen fiziki işjeňlik soňra onuň gowy özleşdirilmegine ýardam edýär.
Alymlar maşk etmek üçin iň amatly wagty kesgitlediler
- 21.11.2019 05:29
- 5.8k+
