Bilermenler syýahat etmek üçin iň arzan ýurtlary atlandyrdylar

Özbaşdak syýahatçylar başda meýilleşdireninden hem arzan bolan syýahatçylyk etmek üçin ýurtlar hakynda gürrüň berdiler, Avisales habar berýär.
Bu hyzmatyň hünärmenleri on müň töweregi peýdalanyjylardan sorag etdiler we haýsy döwletde olar üçin syýahat etmek tygşytly bolandygyny anykladylar.
Jogap berenleriň 23% iň amatly dynç alyş üçin Çehiýa gitmelidigini bellediler. “Dekabryň birinji ýarymynda men doglan günümi Pragada belledim. Doglan günümi hiç haçan şeýle arzan ýagdaýda bellemändim” – syýahatçy şahsy tejribesi bilen paýlaşýar. “Bu meniň daşary ýurda ilkinji syýahatym. Pragada ähli zatlar arzan” – ýene bir syýahatçy gürrüň berýär.
Wengriýa sanawda ikinji orny eýeledi, pikir soralanlardan 17%-i bu ýurda ses berdi. Ulanyjylar Budapeşta ýa-da Debresine uçuşyň gymmat däldigini, şeýle-de göwnüň açmak üçin zatlaryň we restoranlardaky iýmitleriň hem bahasynyň ýokary däldigini bellediler.
15% syýahatçy iň býujetli ugruň Serbiýadygyny aýtdylar.
14% syýahatçy özleriniň iň tygşytly dynç alyş günlerini Ispaniýada geçirdiler. Jogap berenleriň 10%-i Wýetnama ses berdi, olaryň tejribesi boýunça Wýetnamda bahalar Taýlandyňkydan iki esse pes. 9% Gruziýany saýlady, 7%-i Portugaliýadaky dynç alyş günlerinden hoşal bolupdy.
Onlugy Türkiýe jemleýär, oňa 5%-i ses berdi. Bir syýahatçy gürrüň berýär: “Liranyň hümmeti peselenden soň, Türkiýe söwda üçin diýseň arzan boldy. Gürrüň brend eşikleri barada gidýär, ýagny bazarlardaky däl-de, firma dükanlaryndaky”.