Türkmenistanyň «Doýçe bank AG» bilen hyzmatdaşlyk meselelerini maslahatlaşdy

12-nji noýabrda Türkmenistanyň DIM-de “Deutsсhe Bank AG” öňdebaryjy nemes bank konserniniň Merkezi we Gündogar Ýewropa boýunça sebit müdirliginiň direktorlarynyň dolandyryjysy Baş ýerine ýetiriji direktory Ýorg Bongartsyň ýolbaşçylygyndaky wekiliýeti bilen duşuşyk geçirildi.
Türkmenistanyň daşary syýasat edarasynyň habar berşi ýaly, gepleşikleriň dowamynda taraplar Türkmenistan bilen “Deutsсhe Bank AG-niň” arasyndaky köpýyllyk hyzmatdaşlygyň üstünliklerini belläp, gatnaşyklaryň wajyp ugurlary barada pikir alyşdylar. Bilelikdäki taslamalary geljekde ösdürmek barada gürrüň gidende, nemes kompaniýalary bilen hyzmatdaşlyk temasyna we Ykdysadyýet boýunça türkmen-german Hökümetara iş toparynyň ornuna seredilip geçildi.
Halkara kadalary we iň uly halkara tejribeleri göz öňünde tutmak bilen, taraplar Türkmenistanyň maliýe-bank ulgamyndaky oňyn üýtgeşmeler we bu ugurda sanly ulgama geçmegiň wajyplygy barada aýtdylar. Şunuň bilen baglylykda, maliýe jenaýatlara garşy göreş boýunça halkara mehanizmler pudagyndaky hyzmatdaşlyk barada hem pikir alşyldy.