«Türkmenhowaýollary» 2020-nji ýylyň fewral aýynda Saud Arabystany Patyşalygynyň Jidda we Malaýziýanyň Kuala-Lumpur şäherlerine howa gatnawlaryny başlamagy meýilleşdirilýär. Bu barada hökümet mejlisinde Ministrler Kabinetiniň Başlygynyň orunbasary B.Öwezow hasabat berdi.
Gurbanguly Berdimuhamedow hasabaty diňläp, raýat awiasiýasynyň ýokary netijeliligini üpjün etmek boýunça birnäçe çäreleri kesgitledi. Soňky ýyllarda bu pudak kuwwatly itergä eýe boldy. Ýokary dünýä ülňülerine laýyk gelýän döwrebap howa menzilleri guruldy. Howa uçarlarynyň üsti olaryň täze görnüşleri bilen ýetirilýär.
Türkmenistanyň Statistika baradaky döwlet komitetiniň maglumatlaryna görä, 2019-njy ýylyň ýanwar-awgust aýralynda geçen ýylyň degişli döwri bilen deňeşdirilende, «Türkmenhowaýollary» tarapyndan ýük daşamaklygyň möçberi 34,6%, ýük dolanyşygy – 34% artdy. Ýolagçy gatnawy 2,3% ýokarlandy.
Ýurdumyzyň howa menzilleri çäk we ykdysady nukdaýnazardan däl, eýsem, üstaşyr ugurlar üçin hem örän amatlydyr. Şeýle hem tehniki gonuşlar we uçarlara degişli hyzmaty ýola goýmak babatda ýurdumyzda zerur şertler bar. Munuň özi Türkmenistanyň ýurtlary we yklymlary baglanyşdyrýan halkara ulag aragatnaşyklary ulgamynyň möhüm bölegi hökmündäki ornuny pugtalandyrýar.
Gurbanguly Berdimuhamedow täze ugurlar boýunça yzygiderli gatnawlary amala aşyrmak hakyndaky teklipleri makullady.
«Türkmenhowaýollary» Saud Arabystanyna we Malaýziýa gatnawlary ýola goýar
- 09.11.2019 19:03
- 4.1k+
