«Türkmenpoçta» poçta aragatnaşyk kompaniýasy 2020-nji ýyl üçin abuna ýazylyşyk kampaniýasynyň çäklerinde müşderilere «Gazetlere we žurnallara müşderi abunasy» atly täze elektron programmasynyň kömegi bilen hyzmat etmekligi ýola goýdy. Bu barada «Türkmenistan: Altyn asyr» saýty habar berýär.
Eýýäm ýakyn wagtda «Türkmenpoçtanyň» saýtynda (turkmenpost.gov.tm) onlaýn-abuna hyzmaty işläp başlar. Onuň kömegi bilen okyjylar öýlerinden çykman gazetlere we žurnallara abuna ýazylyp bilerler.
Poçta aragatnaşyk kompaniýasy ýylyň-ýylyna internet hyzmatlarynyň görnüşlerini giňeldýär. Saýtyň içinde şeýle hem trek belginiň kömegi bilen poçta ibermelerini yzarlap bolýar, şeýle hem korrespondensiýalary we posylkalary ibermek üçin onlaýn ýagdaýda poçta işgärini çagyryp bolýar.
Ýatlatsak, kompaniýanyň hyzmatlarynyň içine demir ýol petekleriniň satuwy, jemagat hojalygy hyzmatlary üçin tölegler, Bütindünýä poçta bileleşigine girýän döwletleriň islendigine tizleşdirilen poçta ibermeleri girýär. Mundan başga-da, «Türkmenpoçtanyň» saýtynda nagt däl görnüşde töleg etmek we harytlary öýe eltip bermek hyzmaty bar.
«Türkmenpoçta» internet arkaly abuna ýazylmak hyzmatyny işe girizýär
- 01.11.2019 06:35
- 4.9k+
