Hytaýda smartfona gümra bolýanlar üçin ýoda döredildi

Pyýada ýöreýiş wagtynda telefondan peýdalanýanlar üçin niýetlenilen ýoda Sian şäherinde (merkezi Hytaý) guruldy – Chip habar berýär. Welosiped ýodalaryndan tapawutlylykda, onuň döredilmeginiň maksady peýdaly endigiň ýaýraýşyny görkezmek däl-de, tersine, problema üns bermekde jemlenýär. Ýagny, statistika boýunça, smartfonlaryň ulanylmagy geçip barýan adamlaryň howpsuzlygyna howp salýar.
Sianda söwda merkezleriniň biriniň ýolbaşçylary ykjam telefonlary ulanýanlar üçin ýörite ýoda döretmegi karar edinýär. Ýörite görnüşde belgilenen ýol gysgarak, ol bary-ýogy 100 metre ýetýär. Eksperimentiň maksady, ilkinji nobatda, jemgyýete, adamlaryň smartfona näçe wagt sarp edýändigine üns bermekden ybarat. Ýanýodada birnäçe şygyrlar hem ýazylan, meselem, “Haýyş, hiç haçan aşak seretmäň!”. Nähili geňdigine garamazdan, bu ýoda ajaýyp ýerleriň birine öwrülip, syýahatçylary özüne çekip başlady.
Sian şäheriniň özi Şensi welaýatynyň merkezi hasaplanylýar. Şäher 3000 ýyl mundan öň esaslandyrylyp, Beýik Ýüpek ýolunda – b.e.öňki 3-nji asyrdan b.e. 17-nji asyryna çenli Hytaý bilen Ýewropany birikdirýän söwda ýolunda ýerleşmek bilen, möhüm taryhy hytaý şäherleriniň birine öwrülipdi.
Belläp geçsek, smartfonly mesele halkara derejesinde kabul edilen. Gonolulada ýoldan geçilen wagty smartfon ulanylsa, onda pyýada jerime alyp bilýär, Niderlandiýada bolsa ýanýodanyň töwereginde, pyýada geçelgeleriň ýanynda “smartfonozombi” üçin kelläňi galdyrmagyň wagtydygyny duýduryjy bolup hyzmat edýän swetodiod fonarlary gurnalan.