Kopengagende daniýaly kompaniýalar üçin Türkmenistanda iş alyp barmagyň mümkinçiliklerini maslahatlaşyldy

  • 01.11.2019 05:29
  • 1.7k+
Kopengagende daniýaly kompaniýalar üçin Türkmenistanda iş alyp barmagyň mümkinçiliklerini maslahatlaşyldy

30-njy oktýabrda Kopengagende Daniýanyň DIM-niň binasynda Türkmenistanyň we Daniýa Patyşalygynyň daşary syýasat edaralarynyň ýolbaşçylarynyň orunbasarlarynyň derejesinde türkmen-daniýa syýasy geňeşmeleri geçirildi. Türkmenistanyň daşary syýasat edarasynyň habar berşi ýaly, Daniýanyň wekiliýetine Daniýa Patyşalygynyň daşary syýasat boýunça ministriniň orunbasary hanym Lizbet Zilmer Jons ýolbaşçylyk etdi.
Gepleşikleriň barşynda taraplar hyzmatdaşlygyň ähli ugurlary boýunça özarabähbitli türkmen-daniýa gatnaşyklarynyň häzirki ýagdaýyny we ösüş mümkinçiliklerini ara alyp maslahatlaşdylar. Diplomatlar sebit we halkara gün tertibine, iki ýurduň abraýly halkara guramalarynyň, ilkinji nobatda BMG-niň, ÝB-niň we ÝHHG-niň çäklerindäki hyzmatdaşlygyna aýratyn üns berdiler. Taraplar şonuň ýaly-da syýasy-diplomatik, maliýe-bank we medeni-ynsanperwerlik ulgamlarynda Türkmenistanyň we Daniýa Patyşalygynyň arasyndaky özarahereketleri çuňlaşdyrmagyň aýratyn zerurlygyny nygtadylar.
Şol gün Kopengagende Daniýanyň Senagat Konfederasiýasynyň (CDI) binasynda Türkmenistanyň wekiliýetiniň bu guramanyň we onuň düzümine girýän "Eksport Kredit Fonden" (EKF) bilermenlik-karz agentligi, «Ösüp gelýän ýurtlar üçin maýa goýum gaznasy» (IFU), "AVK International A/S", "FLSmidth A/S ", "FURUNO DANMARK A/S" ýaly we beýleki birnäçe kompaniýalaryň ýolbaşçy düzümi bilen duşuşygy geçirildi.
Işjeň gepleşikleriň barşynda taraplar iki ýurduň işewürlik toparlarynyň arasynda gatnaşyklary ýola goýmagyň mümkinçiliklerini, şeýle hem daniýaly kompaniýalar üçin Türkmenistanda iş alyp barmagyň mümkinçiliklerini ara alyp maslahatlaşdylar.
Türkmenistandaky ykdysady ýagdaýlar we maýa goýum şertleri, daniýanyň eksportyny biziň ýurdumyzda maliýeleşdirmegiň mümkinçilikleri we daniýanyň maýasynyň gatnaşmagyndaky taslamalaryň maliýeleşdirilmegi ara alyp maslahatlaşmalaryň aýratyn temasy boldy. Taraplar şeýle hem Daniýanyň Senagat Konfederasiýasynyň we Türkmenistanyň Senagatçylar we telekeçiler birleşmesiniň arasynda göni gatnaşyklary ýola goýmagyň maksadalaýyk bolup durýandygyny aýratyn nygtadylar.

düýn 18:00
846

Serdar Berdimuhamedow awiasiýa howpsuzlygyny üpjün etmegiň maksatnamasynyň taslamasyny makullady

Prezident Serdar Berdimuhamedow Türkmenistanyň Raýat awiasiýasynyň awiasiýa howpsuzlygyny üpjün etmegiň Döwlet maksatnamasynyň taslamasyny makullady. Bu taslamany anna güni Hökümet mejlisiniň barşynda Ministrler...

düýn 17:49
70

Türkmenistan BMG bilen strategik maslahat beriş geňeşiniň nobatdaky mejlisine taýýarlyk görýär

Ýurdumyzda «Türkmenistan — Birleşen Milletler Guramasy» strategik maslahat beriş geňeşiniň nobatdaky mejlisine taýýarlyk görülýär. Bu barada wise-premýer, daşary işler ministri R.Meredow anna güni Hökümet mejlisinde...

düýn 13:11
624

Serdar Berdimuhamedow baýramçylyklarda bazarlary zerur önümler bilen ýeterlik üpjün etmek boýunça tabşyryklary berdi

Prezident Serdar Berdimuhamedow Halkara Bitaraplyk güni hem-de Täze ýyl baýramy bilen baglylykda, göçme söwda nokatlaryny gurnamagyň, bazarlary we dükanlary azyk, şol sanda gök-bakja, miwe önümleri bilen ýeterlik...

düýn 11:40
110

Katar gök ammiagyň önümçiligi boýunça dünýäde iň uly zawody gurýar

Kataryň Qatar Energy kompaniýasy gök ammiagyň önümçiligi boýunça dünýäde iň uly zawodyň gurluşygyna girişdi. Ýylda 1,2 mln tonna ammiak öndürjek zawod arassa energetikany ösdürmekde möhüm ädim bolar diýip, kompaniýanyň...