Aşgabatda Türkmenistanda ilkinji bukkrossing nokady işläp başlady

Türkmenistanda ilkinji bukkrossing «Kitap nokady» Aşgabatda «Berkarar» söwda-dynç alyş merkezinde «Rahat Coffee» kofesinde işläp başlady. Turkmenportal agentliginiň bahar berşi ýaly, paýtagtyň ýaşaýjylary bu ýerde okan kitaplaryny alyş-çalyş edip bilerler.
Uly bolmadyk kitap tekjesi «Readit» internet-neşiriniň işgärleri tarapyndan söwda merkeziniň ikinji gatynda ýerleşdirildi. Indi isleg bildirýän her bir adam eýýäm okan çeper, çagalar, hünäre degişli edebiýat boýunça kitaplaryny getirip tabşyryp, oňa derek okamaga başga bir kitap alyp bilerler. Eger-de bu taslama aşgabatlylaryň arasynda meşhurlyk gazansa, bu hili nokatlary paýtagtyň beýleki künjeklerinde hem döretmek meýilleşdirilýär.
Bukkrossingiň düýp maksady — kitaby okap bolan adam ony bellenilen ýere getirýär/ şol ýerde ony goýýar ýa-da başga bir kitaba çalyşýar. Onuň öňki kitabyny bolsa, başga biri alýar. Bu bolsa neşir önümlerini öndürmek üçin ulanylýan serişdeleri saklap galmaga, şeýle hem gerek bolmadyk kitaplary zyňman, oňa derek başga birlerine gowşuryp olardan dynmaga ýardam edýär.