Türkmenistanda «Rus kinosynyň günleri» geçiriler

3-6-njy noýabrda Türkmenistanda «Rus kinosynyň günleri» geçiriler. Bu çäräniň çäklerinde Russiýanyň meşhur kinematografiýaçylary bilen döredijilik duşuşyklary geçiriler, şeýle hem Aşgabat, Türkmenbaşy we Balkanabat şäherlerinde filmleriň görkezilişi bolar. Bu barada Russiýa Federasiýasynyň Türkmenistandaky ilçihanasynyň resmi saýty habar berýär.
Bellenilişi ýaly, wekiliýetiň düzümi — «Iki zenan» («Две женщины») filminiň prodýuseri, «Horoşo prodakşn» kompaniýasynyň baş prodýuseri Natalýa Iwanowa; «Bu hemişelik däl» («Это не навсегда») filminiň aktrisasy, Russiýanyň at gazanan artisti, Arkadiý Raýkin adyndaky «Satirikon» Russiýa döwlet teatrynyň aktrisasy Agrippina Steklowa; «Gymmat kaka» («Дорогой папа») filminiň prodýuseri, Russiýanyň at gazanan artisti, tetr we kino aktýory, Mariýa Nikolaýewna Ýermolowa adyndaky Moskwa drama teatrynyň aktýory Georgiý Malkow; «Ümsümligiň ýaňy» («Крик тишины») filminiň režisýory Wladimir Potapow; Russiýanyň at gazanan artisti, Arkadiý Raýkin adyndaky «Satirikon» Russiýa döwlet teatrynyň artisti Wladimir Bolşow; Russiýanyň at gazanan artisti, Mariýa Nikolaýewna Ýermolowa adyndaky Moskwa drama teatrynyň artisti Tatýana Şumowa; wekiliýetiň başlygy, «FESTSINEMA» OOO-nyň baş direktory Sergeý Los; wekiliýetiň utgaşdyryjysy, «FESTSINEMA» OOO-nyň baş direktorynyň kömekçisi we rus kinosynyň legendasy RSFSR-iň halk artisti Swetlana Wladimirowna Nemolýaýewa.
Habar berlişi ýaly, rus kinematografiýaçylary türkmen tomaşaçysyna ýokary durmuş-medeni statusyna eýe bolan, şeýle hem ynsanperwer we ahlak başlangyçlaryny beýan edýän täze rus filmlerini görkezerler.
Türkmenistanda «Rus kinosynyň günlerini» guramaçylar bolup Russiýanyň Medeniýet ministrligi, Türkmenistanyň Medeniýet ministrligi, Russiýa Federasiýasynyň Türkmenistandaky ilçihanasy «FESTSINEMA» kompaniýasynyň gatnaşmagynda çykyş edýär.