Parižde Leonardo da Winçä bagyşlanan sergi geçirilýär

24-nji oktýabrda Luwr muzeýinde Leonardo da Winçiniň deňi-taýy bolmadyk sergisi açyldy. 2019-njy ýylda tutuş Ýer ýüzi Leonardo da Winçiniň 500 ýyllygyny belläp geçýär. Luwr üçin bu sene aýratyn manyny aňladýar: da Winçiniň kartinalarynyň dünýädäki iň uly kolleksiýasy (5), şeýle-de 22 sany suraty hut şu ýerde ýerleşýär. Sergä Luwr 10 ýyllap taýýarlyk gördi.
Suratkeş, heýkeltaraş, alym, oýlap tapyjy, sazanda – Leonardo da Winçi örän öndürijiliklidi, onuň kömegi bilen medeniýet taryhyna “adam galkynyş” diýen düşünje girdi. Suratkeş 67 ýyl ýaşamak bilen, özüniň örän uly mirasyny goýup gitdi: diňe bir žiwopisleri, suratlary we grafikalary däl, eýsem, 7 müň sahypa gündelikleri, žiwopis hakyndaky traktatlary, çyzgylary, aýdym we harby-inžener işi baradaky bellikleri galdyrdy.
Suratkeşiň mirasy resmi taýdan 14 sany atributirow kartinalaryndan, 4 sany gutarylmadyk işlerinden, 5 sany atribusion jedelli kartinalardan, şeýle-de grafiklerden, freskalardan we suratlardan ybarat diýlip hasaplanylýar.
Luwr muzeýiniň ýolbaşçysy heniz Leonarda da Winçiniň sergide görkeziljek žiwopisleriniň sanyny belli edenok. Ýöne fransuz muzeýiniň hemişelik gaznasynda bolan 5 sany belli kartinalaryň boljakdygy bolsa anyk. Ol kartinalar: "Мадонна в скалах", "Прекрасная Ферроньера", "Мона Лиза", "Иоанн Креститель" we "Святая Анна с мадонной и младенцем Христом". Sergide suratkeşiň Patyşa kolleksiýasyndan, Britan muzeýinden we Londonyň Milli galereýasyndan, Watikan pinakotekasyndan, Nýu-Ýorkyň Metropoliten muzeýinden getirilen işleri hem bolar.
Bu Leonardo da Winçiniň deňi-taýy bolmadyk retrospektiwasy. Bu serginiň geçirilmeginiň maksady suratkeşiň žiwopise nähili ähmiýet berendigini, “žiwopis baradaky ylym” diýen düşünjede nämäni göz öňünde tutandygyny we dünýäni nähili öwrenendigini görkezmekden ybarat.
Sergi 2019-njy ýylyň 24-nji oktýabryndan 2020-nji ýylyň 24-nji fewralyna çenli hereket eder.