Ýöriteleşdirilen «Orient Silk Road Express» otlusy Gazagystan – Gyrgyzystan – Özbegistan – Türkmenistan demir ýol geçelgesi boýunça syýahatçylyk saparyny amala aşyrýan syýahatçylary Aşgabada getirdi. Bu syýahatçylyk sapary gadymy we orta asyrlarda Hytaýy Orta Aziýa bilen baglanyşdyran kerwen ýollarynyň ugry boýunça gurnaldy, diýip «Türkmenistan: Altyn asyr» elektron gazeti habar berýär.
Türkmen syýahatçylyk operatorlarynyň hem gatnaşýan «Ýüpek ýoly otlynyň penjiresinden» syýahatçylyk sapary daşary ýurtly myhmanlara Türkmenistanyň çäginde ýerleşen we ÝUNESKO-nyň medeni mirasynyň sanawyna giren taryhy-medeni ýadygärliklerine baryp görmäge mümkinçilik döredip berdi.
Şeýle hem syýahatçylar Türkmenistanyň häzirki zaman keşbi, binagärlikde gazananlary, paýtagtymyzyň Ginnesiň bütindünýä rekordlar kitabyna giren desgalary bilen tanyş boldular.
Belläp geçsek, şu ýylyň özünde Aşgabada Amerikadan, Awstraliýadan, Ýewropadan, Gündogar Aziýadan syýahatçylary getiren alty sany ýöriteleşdirilen otly geldi.
«Ýüpek ýoly otlynyň penjiresinden» syýahatçylyk sapary Aşgabada geldi
- 19.10.2019 06:40
- 5.5k+
