Türkmenistanyň Prezidenti Goşulyşmazlyk hereketiniň Bakuda geçiriljek sammitine gatnaşar

25-nji oktýabrda Prezident Gurbanguly Berdimuhamedow Baku şäherinde geçiriljek Goşulyşmazlyk hereketiniň XVIII sammitine gatnaşmak maksady bilen, Azerbaýjan Respublikasyna iş saparyny amala aşyrar. Bu sapara taýýarlyk görlüşi barada wise-premýer, DIM-niň ýolbaşçysy hökümet mejlisinde hasabat berdi.
Türkmen Lideri Baku şäherinde geçiriljek sammite gatnaşmagy häzirki döwrüň möhüm meselelerini çözmekde, milli bähbitleri we ählumumy ösüşiň ugurlaryny nazara almak bilen, halkara hyzmatdaşlygynyň has netijeli görnüşlerini kesgitlemäge sazlaşykly çemeleşmeleri döretmekde Türkmenistanyň başlangyjynyň hem-de işjeň nukdaýnazarynyň nobatdaky subutnamasyna öwrüler.
Döwlet Baştutany hasabaty diňläp, däbe öwrülen dostlukly türkmen-ýapon gatnaşyklarynyň taraplaryň üýtgewsiz hoşniýetli erk-islegine esaslanýan hem-de anyk netijeleri gazanmagy ugur edinýän deňhukukly özara bähbitli hyzmatdaşlygyň aýdyň subutnamasyna öwrüler.
Prezident Gurbanguly Berdimuhamedow ynanyşmak, netijeli häsiýete eýe bolan döwletara gatnaşyklarynyň soňky ýyllarda hil taýdan täze derejä çykýandygyny hem-de ikitaraplaýyn we köptaraplaýyn görnüşde, abraýly sebit hem-de halkara guramalarynyň we düzümleriniň çäklerinde üstünlikli ösdürilýändigini kanagatlanma bilen belledi.
Gurbanguly Berdimuhamedow Goşulyşmazlyk hereketiniň XVIII sammiti barada durup geçmek bilen, parahatçylyk söýüjilik, hoşniýetli goňşuçylyk we oňyn Bitaraplyk syýasatyny yzygiderli amala aşyrýan ýurdumyzyň ählumumy abadançylygyň hem-de ösüşiň bähbidine sebit hem-de dünýä derejesinde netijeli gatnaşyklary ösdürmäge mynasyp goşant goşýandygyny belledi.
Prezident dünýäniň gün tertibiniň möhüm meseleleriniň çözgütlerini işläp taýýarlamakda tagallalary birleşdirmek işinde bu sammitiň ähmiýeti barada aýdyp, Türkmenistanyň halkara giňişliginde alyp barýan işinde Goşulyşmazlyk hereketiniň esasy ýörelgelerine berk eýerýändigini belledi. Şunuň bilen baglylykda döwlet Baştutany degişli resminamalara gol çekip elektron resminama dolanyşyk ulgamy arkaly wise-premýere degişli resminamalary iberdi we bu ugurda degişli tabşyryklary berdi.