OPEC 2019-njy ýylda nebitiň sarp edilişi boýunça çaklamasyny aşaklatdy

2019-njy ýylda dünýä boýunça nebitiň sarp edilişi geçen ýyl bilen deňeşdirilende günde 0,98 mln barrel artyp, bir günde 99,8 mln barrele ýeter, diýlip Nebiti eksport ediji döwletleriň guramasynyň (OPEC) hasabatynda bellenilýär. Bu barada Trend "Вести.Экономика" salgylanyp habar berýär.
Şeýlelikde, sarp edilişiň ösüşiniň çaklamasy bir aý mundan öň edilen bilen deňeşdirilende bir günde 40 müň barrel töweregi aşakladyldy. Bu bolsa Demirgazyk we Günorta Amerikanyň hem-de Aziýa-Ýuwaş ummany sebitiniň Ykdysady hyzmatdaşlyk we ösüş guramasy (YHÖG) döwletleri boýunça maglumatlaryň düzedilendigini aňladýar.
Çaklamalara görä, 2020-nji ýylda dünýä boýunça nebite bolan isleg 1,08 mln barrel artyp, günde 100,88 mln barrele ýeter. Bu bolsa geçen aýyň çaklamalaryna laýyk gelýär.
Garaşylyşy ýaly, YHÖG girýän döwletler 2020-nji ýylda nebitiňň dünýä boýunça sarp edilişine günde 0,07 mln barrel goşar. Şol bir wagtda, bu gurama girmeýän döwletler çaklamalara görä, nebite dünýä boýunça islegiň artmagynyň esasy hereketlendirijisi bolar. Olar hem günde 1,01 mln barrel goşar.
Awgust üçin deslapky maglumatlaryň görkezmegine görä, YHÖG döwletleriniň nebit ätiýaçlyklary geçen aý bilen deňeşdirilende 10 mln barrel artyp, 2 mlrd 937 mln barrele ýetdi. Bu görkeziji bir ýyl mundan öňküden 85 mln barrel artykdyr we ortaça bäşýyllyk derejeden 11 mln barrel ýokarydyr.
Şol bir wagtda nebit ätiýaçlyklary 21,9 mln barrel azalypdyr. Bu diýildigi, ortaça bäşýyllyk derejeden 28 million barrel azdyr. Nebit önümleriniň ätiýaçlyklary bolsa, bu görkezijiden 39 million barrel ýokary bolmagynda galyp, 32 mln barrel artdy.