«Turkmenportal» saýtynda wideoşekilleri hödürleýän bölüm peýda boldy

«Turkmenportal» saýtynda «Media» atly täze bölüm işe girizildi. Bu habarlar portalynyň bellemegeine görä, täze bölüm okyjylaryň köp sanly isleglerini kanagatlandyrmak maksady bilen açyldy.
Täze bölüm okyjylara dürli weodeşekilleri hödürleýär. Bölüme geçmek üçin saýtyň esasy menýusyna girip, bölümiň üstüne ýekeje gezek basmak ýeterlik. Netijede saýtyň redaksiýasy tarapyndan hödürlenilýän wideoşekillere girip bilersiňiz. Ozal «Fotoreportaž» diýen at bilen bilen hereket eden bölüm indi «Media» diýen at bilen okyjylara hödürlenilýär. Saýtyň bu sahypasynda gyzykly fotoreportažlar, wideoşekiller bilen tanşyp bolýar. Wideogörnüşleriň arasynda ýörite söhbetdeşliklere we wajyp wakalara hem orun beriljekdigi barada habarlar portaly belleýär.
Habarlar portalynyň wideoşekillerine internete birikýän islendik mobil enjamyndan, smartfonlardyr planşetlerden tomaşa etmek mümkindir. Wideogörnüşlere öz internet tizligiňe görä, tomaşa edip bolar. Olar HD hil görnüşinde hem, kiçeldilen görnüşde (240p ýa-da 360p) hem elýeterli edilendir.