Türkmenbaşy — Mahaçkala parom aragatnaşygy arkaly türkmen ýükleri Ýewropa iberilip bilner

2020-nji ýylda Mahaçkala bilen Türkmenbaşy şäherleriniň aralygynda parom aragatnaşygyny ýola goýmak meýilleşdirilýär, diýip Turkmenportal agentligi TASS agentligine salgylanyp habar berýär. Parom her ýylda 1 mln tonna çenli ýük gatnatmaga ukyply bolar, diýip Dagestanyň ykdysadyýet ministriniň w.w.ý.ý Gadji Sultanow TASS agentligine habar berdi.
«Häzirki wagtda «Türkmen logistika merkezi» türkmen kompaniýasy parom aragatnaşygy [Türkmenbaşynyň we Mahaçkalanyň arasynda] meselesiniň üstünde işleýär. Biz 2020-nji ýylyň aprel-maý aýlarynda bu meseläniň çözülmegine garaşýarys. Mahaçkala portunda paromlary kabul etmäge mümkinçilik bar we bu mesele türkmen wekilleri tarapyndan işlenilýär» - diýip Sultanow belledi.
«Bizde parom yzyna gaýdanda hem ýük ýüklemäge mümkinçilik döreýär. Bu önümlere tüwi, alkogolsyz içgilerimiz, mineral suwlar, senagat kärhanalarymyzyň önümleri degişli bolup biler. Türkmenistandan üstaşyr ýükler getiriler. Olar ilki biziň portumyzdan, soňra bolsa Noworossiýskden Ýewropa iberiler» - diýip agentligiň söhbetdeşi belledi.
Awgustda birinji Hazar ykdysady forumynyň barşynda Türkmenistanyň RF-iň birnäçe sebitleri bilen, şol sanda Astrahan welaýaty we Demirgazyk Kawkaz sebitleri, hususan-da, Dagestan bilen parom aragatnaşygyny ýola goýmagy niýet edýändigini bellenildi.
Mahaçkala – Türkmenbaşy parom aragatnaşygy 2002-nji ýylda işe girizildi we bir ýyl töweregi hereket etdi. Mahaçkalanyň söwda deňiz porty Russiýanyň Hazar deňzinde doňmaýan we çuň ýeke-täk porty. Ol uzynlygy 150 metre çenli uzynlykly we düýbi 4,5 metre çenli gämileri kabul edip bilýär.