Sagadyň näçedigi adamyň işjeňligine nähili täsir edýärkä? Siz, megerem, bu barada içgin gyzyklanan dälsiňiz. Elbetde, gündiz adamyň hereketli, agşamlaryna bolsa ýadawrak bolýandygy hemmämize mälim, emma belli bir sagadyň hatda duýga-da täsir edip bilýändigini köpler bilýän hem däldir. Geliň, bu barada has anyk maglumatlara ýüzleneliň!
Irden sagat 6-dan 7-ä çenli aralygy “aýna” diýip atlandyrýarlar. Bu wagt adamyň uzakmöhletleýin ýadynyň iň işjeň wagty. Şu 1 sagadyň dowamynda kabul edilýän ähli maglumatlar aňsat özleşdirilýär.
8-den 9-a çenli aralykda logiki pikirleniş ukyby herkete gelýär. Bu bolsa şol bir wagtyň özünde ýatkeşlik we seljerme bilen baglanyşykly işleri ýerine ýetirmek üçin iň amatly wagtdyr.
Sagat 9-dan 10-a çenli maglumat we statistika bilen işleşmek ýeňil bolýar.
11-12 aralygynda intellektual işjeňlik biraz pese düşýär. Bu wagt ünsüňi böljek işler bilen gümrä bolmak ýerlikli bolar. Mysal üçin, aýdym-saz diňlemek.
Günortan sagat 11-den 14 aralygy günortanlyk nahar üçin iň amatly pursatdyr. Bu sagatlarda aşgazanyň işjeňliginiň artyp, kabul edilen iýmitiň has gowy siňýändigi aýdylýar.
Hereketli zähmet üçin 12:00-18:00 aralygy örän amatlydyr. Ondan giçki zähmet beýniniň ýadamagyna getirip biler. Bu ýadawlygyň ilkinji alamatlary ukusyzlyk hasap edilýär.
Sagat 21:00-den 23:00-e çenli beýni we nerw ulgamy doly derejede dynç alýar.
Gije 23:00-1:00 aralygynda ukuda bolmak maslahat berilýär. Sebäbi bu wagt ukuda adamyň içindäki “energiýa” täzelenýär. Hytaý lukmançylygynda bu “si” diýip atlandyrylýar, hindi ýogasynda bolsa oňa “prana” diýýärler. Häzirki zaman ylmy bolsa ony nerw we myşsa güýji hasap edýär.
1-3 aralygynda ukudaka adamyň emosional energiýasy täzelenýär.
