«Toyota Сorolla» awtoulaglaryň täze tapgyry Aşgabadyň taksi parkynyň üstüni ýetirdi

Awtoulag serişdeleriniň iň täze görnüşleriniň nobatdaky tapgyry, hususan-da, «Toyota Сorolla» kysymly ýeňil awtoulaglaryň 70-si «Türkmenawtoulaglary» agentliginiň tehniki binýadynyň üstüni ýetirdi. Bu barada «Türkmenistan: Altyn asyr» elektron gazeti habar berýär.
Türkmenistanyň Prezidentiniň Kararyna laýyklykda, Ýaponiýanyň öňdebaryjy kompaniýalarynyň täze awtoulag serişdeleri hyzmatlar ulgamynda ulanylar. Täze gelip gowşan ulaglar baýramçylyk günlerinde paýtagtymyzyň ýaşaýjylaryna we myhmanlaryna hyzmat edip başlar.
«Toyota Сorolla» ýeňil awtoulaglary ulanyşda ýokary ygtybarlylygy hem-de birnäçe beýleki artykmaçlyklar tapawutlandyrýar. Şunuň bilen bir hatarda, awtoulag serişdeleriniň hereketlendirijileriniň tygşytlylyk we ekologiýa howpsuzlygy nukdaýnazaryndan halkara talaplaryna kybap gelýändigini bellemek gerek.
Ulaglaryň dürli görnüşleri, şol sanda ýeňil taksileri goşmak bilen awtoulaglar arkaly ilatyň ýolagçy gatnawlaryna islegini kanagatlandyrmak ilata ulag hyzmatyny guramagyň möhüm ugurlarynyň biridir.
Bellenilişi ýaly, ulag serişdeleriniň satyn alynmagyny we Aşgabada getirilmegini «Türkmenistanyň ulag-logistika merkezi» merkezi üojün etdi. müşderilere edilýän hyzmatyň hlini ýokarlandyrmak maksady blen ýeňil awtoulaglarda elektron planşetler oturdylar, taksileri onlaýn çagyrmak hyzmaty ýola goýlar.