“Gartner” kompaniýasy dünýä boýunça mobil telefonlaryň bazarlardaky satuwy bilen bagly soňky hasaplamalaryny okyjylar bilen paýlaşdy. Maglumatlara görä, häzirki wagtda ykjam telefonlaryň 1,7 göterimden-de gowrak pese gaçypdyr. Kompaniýanyň wekili bu ýagdaýy alyjylaryň arzan bahaly telefonlara bolan isleginiň ýokary hilli telefonlara garanyňda has-da ýokarlanýandygy bilen düşündirýär. 2019-njy ýylyň häzirki wagtyna çenli jemi 368 million telefon satylypdyr. Bu görkezijiniň 75 milliony “Samsung” kompaniýasyna degişli hasaplanýar. Bu bolsa telefona isleg bildiren her bäş adamyň biriniň (20,4%) “Samsungy” saýlandygyny görkezýär. Beýleki bir brend hasaplanýan “Huawei” kompaniýasynyň alyjylarynyň sany 13,3 göterimden 15,8 göterime çenli ýokarlanypdyr. “Apple” bolsa şu ýylyň dowamynda 38 million telefon satyp, sanawda üçünjiligi eýeleýär.
“Gartner” kompaniýasynyň çaklamasyna görä, 2019-njy ýylda dünýä boýunça jemi 1,5 milliard telefon satylar. Bu bolsa geçen ýyldakydan 2,5 göterim az diýildigidir.
Telefonlara bolan isleg peselýär
- 14.09.2019 05:05
- 14k+
