«Halkbank» DTB internet saýtyny täzeledi

Türkmenistanyň «Halkbank» döwlet täjirçilik banky täzelenen wwww.halkbank.gov.tm internet saýtyny işe girizdi. Täze saýtda dizaýn, saýtyň içinde hereket etmek we maglumatlaryň funksionaly üýtgedildi, diýip Turkmenportal habar berýär.
Saýtyň täzelenen görnüşinde dolulygyna interfeýs täzelendi, ulanyjylar üçin oňaýlylyga we köp funksionallyga aýratyn üns berildi. Saýtyň mazmun düzümi täzelendi, düzümi ýönekeýleşdirildi, täze amatly hyzmatlar goşuldy (mobil banking, internet-ekwaýring, kars hasaplamalary, okuw we kommunal hyzmatlary üçin onlaýn tölegler). Saýtyň täzelenilmeginiň esasmy maksady müşderilere mümkin bolan ýeňillikleri döretmekden, bank tarapyndan uzak aralykdan ýerine ýetirilýän amallary ýeňil hem düşnükli etmek bolup durýar. Saýt mobil enjamlaryň ählisi üçin laýyklanan bolup, olarda hem edil esasy saýtdaky ýaly funksiýalary ýerine ýetirip bolýar. Saýt türkmen hem rus dillerinde hereket edýär.
Öň internet-banking hyzmatyndan peýdalanyp ýören müşderiler öz hereket edip ýören login we parolyny ulanyp, bada-bat täzelenen interfeýsde işläp başlap bilerler.
Türkmenistanyň «Halkbank» döwlet täjirçilik banky geçen asyryň 20-nji ýyllaryndan bäri şu günki güne çenli öz işjeňligini dowam edip, halkymyzyň ýakyn hyzmatdaşydyr. Türkmenistanyň „Halkbank“ döwlet täjirçilik banky geçen asyryň 20-nji ýyllaryndan bäri şu günki güne çenli öz işjeňligini dowam edip, halkymyzyň ýakyn hyzmatdaşydyr.