«Türkmeniň Altyn asyry» bäsleşiginiň ýeňijileri yglan edildi

Türkmenistanyň Prezidentiniň Karary bilen Garaşsyz, hemişelik Bitarap Türkmenistan döwletimiziň bedew batly ösüşleriniň, dünýä ýüzündäki belent at-abraýynyň, ýurdumyzyň rowaçlygynyň, halkymyzyň bagtyýarlygynyň, jemgyýetimiziň asudalygynyň, edebiýatymyzda, medeniýetimizde, sungatymyzda gazanan üstünliklerimiziň taryhy ähmiýetini, gadyr-gymmatyny giňden şöhlelendirýän täze, kämil eserleri döredendikleri, medeni-köpçülikleýin çärelerde, baýramçylyk dabaralarynda üstünlikli çykyş edendikleri, medeniýet ulgamyny ösdürmäge netijeli goşant goşandyklary üçin we bäsleşigiň ýeňijilerini seçip almak boýunça toparyň towakganamasyny nazara alyp, şeýle hem ýurdumyzyň mukaddes Garaşsyzlygynyň 28 ýyllyk baýramy mynasybetli, döredijilik işgärleriniň bir topary şu ugurlar boýunça:
Iň gowy goşgular we poemalar üçin;
Iň gowy makalalar we oçerkler üçin;
Iň gowy hekaýalar, terjimeler, powestler we romanlar üçin;
Iň gowy kitaplar, neşir önümleri we dizaýn-bezeg işleri üçin;
Iň gowy teleradio gepleşikler toplumy üçin;
Iň gowy kinofilmler, sahna oýunlary we çykyşlary üçin;
Iň gowy tans, halk döredijilik we aýdym-saz toparlarynyň çykyşlary üçin;
Aýdymçynyň ýokary ýerine ýetirijilik ussatlygy üçin;
Sazandanyň ýokary ýerine ýetirijilik ussatlygy üçin;
Iň gowy aýdym-saz eserleri üçin;
Medeni-köpçülik çärelerini ýokary derejede gurandygy üçin;
Iň gowy şekillendiriş we amaly-haşam sungaty eserleri, fotosuratlar, taslama-bezeg işleri üçin;
Iň gowy halylar, haly önümleri we keçeler üçin;
— edebiýat, medeniýet we sungat işgärleriniň, höwesjeň aýdymçy ýaşlaryň hem-de zehinli çagalaryň arasynda Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň ýeňijileri diýlip yglan edildi we baýraklar bilen sylaglanyldy.
Türkmenistanyň Merkezi banky şu Kararyň birinji böleginde görkezilen baýraklar üçin jemi 534 800 (bäş ýüz otuz dört müň sekiz ýüz) manat möçberdäki pul serişdelerini Türkmenistanyň Prezidentiniň Haýyr-sahawat gaznasyndan tölemeli.
Karary dolulygyna şu salgydan okap bilersiňiz.