Türkmenistanda kibergorag boýunça kanunçylyk işlenilýär

  • 08.09.2019 03:35
  • 7.2k+

Ýurdumyzda «Kiberhowpsuzlyk hakynda» Türkmenistanyň Kanunynyň taslamasyny taýýarlanyldy. Ýakynda geçirilen hökümet mejlisinde bu Kanunyň taslamasyny taýýarlamak boýunça iş toparyna ýolbaşçylyk edýän Döwlet howpsuzlyk geňeşiniň sekretary, milli howpsuzlyk ministri Ý.Berdiýew ýakynda geçirilen hökümet mejlisinde geçirilen işleriň netijeleri barada hasabat berdi.
Habar berlişi ýaly, eýeçiligiň hemme görnüşleriniň aragatnaşyk ulgamlary kibergoraglylyga degişlidir. Şolarda milli maglumat serişdeleri işlenilýär hem-de döwlet häkimiýet edaralarynyň we ýerli öz-özüňi dolandyryş edaralarynyň, hukuk goraýjy edaralaryň hem-de harby birikmeleriň bähbitlerine, elektron dolanyşygy, elektron döwlet hyzmatlary, elektron täjirçiligi, elektron resminama dolanyşygy ulgamlarynda peýdalanylýar. Şeýle hem degişli maglumat düzüminiň desgalary kibergoraglylyga degişlidir.
Gurbanguly Berdimuhamedowyň tabşyrygy boýunça taýýarlanylan hukuknamanyň baş maksady milli «kiberözbaşdaklygy» goramakdan ybaratdyr. Resminama strategik taýdan möhüm pudaklarda maglumat düzüminiň howpsuzlygyny üpjün etmegiň düzgünini we iş aýratynlygyny kesgitleýär. Kanun ýurdumyzyň Konstitusiýasyna hem-de Türkmenistanyň gatnaşýan halkara şertnamalaryň talaplaryna laýyk gelýär.
Türkmen Lideri ýurdumyzyň Garaşsyzlygyny, bähbitlerini goramak, ulgamdaky howpsuzlyga degişli howplaryň öňüni almak hem-de jemgyýetçilik düzgün-tertibini, guramalaryň we raýatlaryň kanuny hukuklaryny we bähbitlerini üpjün etmek üçin «Kiberhowpsuzlyk hakynda» kanunyň kabul edilmeginiň derwaýysdygyny nygtady. Şunuň bilen baglylykda, Türkmenistanyň Prezidenti kiberhowpsuzlygyň netijeli ulgamyny işläp taýýarlamak üçin hukuk esaslaryny we mümkinçilikleri döretmegiň ähmiýetini belledi.
Döwlet Baştutany hödürlenen kanunçylyk namasyny makullap, oňa gol çekdi hem-de Döwlet howpsuzlyk geňeşiniň sekretaryna, MHM-nyň ýolbaşçysyna birnäçe anyk tabşyryklary berdi.

düýn 21:08
1.8k+

Internetsiz işleýän Bitchat messenjeri indi App Store-da elýeterli boldy

Twitter-i esaslandyryjylaryň biri Jek Dorsi tarapyndan döredilen Bitchat gysga beta-synagdan soň resmi taýdan App Store-da çykdy. Bu programma ulanyjylaryň arasyndaky aragatnaşyk üçin Bluetooth ulanyp, interneti, telefon belgisini, serwerleri ýa-da elektron poçtany talap etmeýär...

düýn 21:07
3k+

“Tagtlaryň oýnunyň” ýyldyzy ýerden agyrlyk götermekde dünýä rekordyny goýdy – 505 kg

“Tagtlaryň oýny” serialynda jenap Grigor “Dag” Kliganyň keşbini ýerine ýetiren Haftor Ýulius Býornsson ýerden agyrlyk götermekde täze dünýä rekordyny goýdy. Bu barada BarBend habar berýär. Germaniýada geçirilen Eisenhart Black Competition ýaryşynda islandiýaly türgen 505 kg agramly ştangany göterdi...

düýn 19:54
866

Mangrove Photography Awards 2025 bäsleşiginiň ýeňijileri yglan edildi

Mangrove Photography Awards 2025 halkara surat bäsleşiginiň emin agzalary ýeňijileri resmi taýdan yglan etdiler. Bu bäsleşik “Mangrove Action Project” taslamasynyň çäginde geçirilýär we ol — ýabany tebigat, kenarýaka ilaty hem-de mangr ekoulgamlarynyň arasyndaky baglanyşyga üns çekmegi maksat edinýär...

düýn 14:33
408

JPMorgan ilkinji eplenýän iPhone-yň çykjak senesini we bahasyny mälim etdi

Apple kompaniýasynyň iPhone Fold atly ilkinji eplenýän smartfony 2026-njy ýylyň sentýabrynda çykar we onuň bahasy 1999 dollar bolar. Bu barada JPMorgan-yň içerki hatyna salgylanyp, MacRumors neşiri habar berýär...