Türkmenistanyň Prezidenti Gurbanguly Berdimuhamedowyň gol çeken Permanyna laýyklykda, ýurdumyzda Gurluşyk, energetika we jemagat hojalygy işgärleriniň güni döredildi. Bu hünär baýramçylygy her ýylyň sentýabr aýynyň ikinji şenbesinde bellenilip geçiler.
Gol çekilen resminama laýyklykda, Gurluşyk we binagärlik ministrligine, Energetika ministrligine, şeýle hem welaýatlaryň we Aşgabat şäheriniň häkimliklerine Gurluşyk, energetika we jemagat hojalygy işgärleriniň gününi ýokary derejede guramaçylykly belläp geçmek tabşyryldy.
Gurluşyk we binagärlik ministrligine, Energetika ministrligine Adalat ministrligi bilen bilelikde bir aý möhletde ýurdumyzyň kanunçylygyna Permandan gelip çykýan üýtgeşmeleri we goşmaçalary girizmek boýunça teklipleri Türkmenistanyň Ministrler Kabinetiniň garamagyna taýýarlap bermek tabşyryldy.
Türkmenistanyň Prezidentiniň 2003-nji ýylyň 16-njy iýunynda çykaran Nebitgaz, energetika we geologiýa senagatynyň işgärleriniň gününi bellemek hakyndaky Permanyny güýjüni ýitiren hasap etmeli.
Türkmenistanda gurluşyk, energetika we jemagat hojalygy işgärleriniň hünär baýramy döredildi
- 30.08.2019 23:58
- 3.5k+
