Türkmenistanyň Futbol federasiýasy gyzyklanýan taraplar üçin mahabat hyzmatyny hödürleýär

Türkmenistanyň Futbol federasiýasy gyzyklanýan taraplara Dünýä çempionaty – 2022-niň saýlama tapgyrynyň çäginde milli ýygyndymyzyň paýtagtymyzyň “Köpetdag” stadionynda geçirjek oýunlarynda mahabatlaryňyzy ýerleşdirmäge mümkinçiligiň döredilýändigini habar berýär. Bu barada Türkmenistanyň Futbol federasiýasynyň resmi saýty belleýär.
Dünýä çempionatynyň çäginde Türkmenistanyň milli ýygyndysynyň Günorta Koreýanyň, Demirgazyk Koreýanyň, Liwanyň hem-de Şri-Lankanyň ýygyndy toparlary bilen duşuşýandygyny ýatladýarys.
Ýokarda agzalan futbol ýygyndylarynyň futbolçylary bilen Aşgabatda geçiriljek duşuşyklara FIFA-nyň, AFK (Aziýanyň Futbol Konfederasiýasy) wekilleriniň, emin agzalarynyň, köpçülikleýin habar beriş serişdeleriniň wekilleriniň, şeýle-de, janköýerleriň müňlerçesiniň gelmegine garaşylýar.
Dünýä çempionaty – 2022-niň saýlama tapgyrynyň duşuşyklary teleýaýlymlarda göni ýaýlymda görkezilip, TFF-niň resmi saýtynda, internet portallarynda Türkmenistanyň hem-de daşary döwletleriň habar beriş serişdelerinde giňişleýin beýan ediler.
Habarlaşmak üçin telefon belgisi: TFF-niň marketing bölümi, tel:+99 (365) 551975