«Ýaňlan, Diýarym! — 2019» bäsleşiginiň ýeňijileri yglan edildi

Türkmenistanyň Döwlet medeniýet merkeziniň Mukamlar köşgünde «Ýaňlan, Diýarym – 2019» telebäsleşiginiň jemi jemlendi. Her ýyl «Ýaňlan, Diýarym!» telebäsleşigi Watanymyzyň Garaşsyzlyk toýunyň öňýanynda Türkmenistanyň Prezidentiniň yglan eden «Türkmeniň Altyn asyry» atly döredijilik bäsleşiginiň çäklerinde geçirilýär.
Bäsleşigiň maksady türkmen halk aýdym-saz sungatyny we bagşyçylyk sungatyny giňden wagyz etmek. Bu telebäsleşik ýaşlaryň arasynda iň meşhur we abraýly döredijilik bäsleşikleriň birine öwrüldi.
Türkmenistanyň Prezidentiniň gol çeken karary bilen şu aşakdakylar «Ýaňlan, Diýarym!» telebäsleşiginiň ýeňijileri diýlip yglan edildi we altyn zynjyr bilen sylaglanyldy:
- Orazdurdyýewa Gurbanjemal Şöhratgeldiýewna — Aşgabat şäher häkimliginiň «Aşgabat» döredijilik toparynyň 1-nji derejeli artisti;
- Ataballyýew Çarygeldi Kakamuhammedowiç — Ahal welaýatynyň ýörite sazçylyk mekdebiniň talyby;
- Garajaýew Garaja Ilgeldi ogly — Balkan welaýatynyň Magtymguly etrabynyň medeniýet bölüminiň Könekesir obasyndaky medeniýet öýüniň saz ýolbaşçysy;
- Amanow Allaberdi Orazguly ogly — Türkmenistanyň içeri işler ministrliginiň Mälikguly Berdimuhamedow adyndaky № 1001 harby bölüminiň Daşoguz welaýatyndan harby gullukçysy;
- Güljeml Taýlyýewa — Lebap welaýatynyň ýörite sungat mekdebiniň talyby;
- Esenmyradow Amangeldi Kakamyradowiç — Mary welaýatynyň Wekilbazar etrap medeniýet öýüniň ýanyndaky tans ansamblynyň gatnaşyjysy.