Aşgabatda boş iş orunlarynyň ýarmarkasy geçiriler

2019-njy ýylyň 5-nji sentýabrynda sagat 9:00-dan 12:00 aralygynda Aşgabat şäheriniň Büzmeýin etrabynyň zähmet we ilatyň iş bilen üpjünçilik bölümi boş iş orunlarynyň ýarmarkasyny geçirýär. Ýarmarka Aşgabat şäheriniň 2005-nji köçesindäki (Seýdi köçesiniň 12-nji jaýy) «Altyn ýyldyz» döwlet kärhanasynda geçiriler. Ony Aşgabat şäheriniň Zähmet we ilatyň iş bilen üpjünçiligi müdirligi Büzmeýin etrap bölümi bilen bilelikde gurnaýar, diýip «Нейтральный Туркменистан» gazeti habar berýär.
Şunuň bilen baglylykda, ähli guramalar, kärhanalar, firmalar we telekeçiler garamagyndaky bar bolan boş iş orunlary hakynda 2019-njy ýylyň 30-njy awgustyna çenli maglumat bermeklige we bu ýarmarka garnaşmaga çagyrylýar.
Işe girmäge isleg bildirýänleriň ýanynda pasporty we zähmet depderçesi bolmaly.
Soraglar boýunça şu aşakdaky ýerlere ýüz tutmaly:
Zähmet we ilatyň iş bilen üpjünçiligi müdirligi
- Aşgabat ş. (Seýitnazar Seýdi köçesi, 3-nji jaýy) tel: 92-14-56
- Bagtyýarlyk etraby (Seýitnazar Seýdi köçesi, 3-nji jaýy) tel: 92-36-50
- Berkararlyk etraby (Seýitnazar Seýdi köçesi, 3-nji jaýy) tel: 92-67-03
- Köpetdag etraby (Seýitnazar Seýdi köçesi, 3-nji jaýy) tel: 92-21-82
- Büzmeýin etraby (Oguz han köçesi, 8-nji jaýy) tel: 33-07-39