«Türkmenhowaýollary» awiakompaniýasy şu ýylyň 11-12-nji awgustynda Türkmenbaşy şäherinde geçiriljek birinji Hazar ykdysady forumynyň çäklerinde Astrahanadan Türkmenistana çenli iki sany göni howa gatnawyny ýola goýdy, diýip Türkmenistanyň Astrahandaky konsullyk gullugynyň resmi saýty habar berýär.
Howa gatnawlarynyň tertibi:
Aşgabat-Astrahan, 10.08.2019
Astrahan-Türkmenbaşy, 10.08.2019
Türkmenbaşy-Astrahan, 13.08.2019
Astrahan-Aşgabat, 13.08.2019
Awiabiletleri Türkmenistanyň awiakassalarynyň, şeýle hem «Аэрокомфорт» we ITM Group rus kompaniýalarynyň üsti bilen alyp bolar.
Çäklerinde halkara maslahaty, innowasion tehnologiýalaryň, maşyn gurluşykda dünýäniň gazananlarynyň sergisiniň görkezilişi geçiriljek Hazar ykdysady forumy Hazar deňzinde ykdysady, söwda, maýa goýum hyzmatdaşlygyna täzeçe itergi bermäge, deňzi Ýewraziýada täze geoykdysady giňişligi emele getirmekde möhüm orun eýeleýän halkara ähmiýetli iri ulag-üstaşyr merkeze öwürmäge gönükdirilendir.
«Türkmenhowaýollary» Astrahandan Türkmenistana iki sany howa gatnawyny açdy
- 08.08.2019 15:46
- 5k+
