Türkmenistanyň Prezidenti 2019-njy ýylyň 5 — 25-nji awgusty aralygynda haj parzyny berjaý etmek üçin 160 zyýaratçyny Saud Arabystany Patyşalygyna ibermek hakynda Buýruga gol çekdi.
Türkmenistanyň Senagat we kommunikasiýa ministrligine zyýaratçylary Saud Arabystany Patyşalygyna eltmek we yzyna getirmek üçin «Boeing —737 — 800» kysymly uçaryň ýörite gatnawyny «Türkmenhowaýollary» agentliginiň serişdeleriniň hasabyna amala aşyrmak tabşyryldy.
Zyýaratçylaryň mukaddes ýerlere baryp zyýarat etmekleri üçin Türkmenistanda ýylyň-ýylyna ýörite howa gatnawlary ýola goýulýar. 2018-nji ýylda mukaddes Mekke we Medine topraklaryna ýurdumyzdan 153 adam zyýarat edipdi.
Zyýaratçylaryň haj parzyny berjaý etmekleri üçin ýörite howa gatnawy gurnalar
- 03.08.2019 02:25
- 8.9k+
