«Türkmenhowaýollary» Hazar forumyna gabatlap goşmaça howa gatnawlaryny ýola goýar

6-14-nji awgust aralygynda «Türkmengowaýollary» gullugy Birinji Hazar ykdysady forumyna gatnaşyjylary gatnatmak üçin goşmaça çarter gatnawlaryny ýola goýar. Bu barada ORIENT habarlar agentligi habar berýär.
Şol döwürde foruma gatnaşyjylar üçin Stambuldan (Türkiýe) Türkmenbaşy şäherine üç sany, Türkmenbaşydan Stambula çenli bolsa, iki sany göni howa gatnawy ýerine ýetiriler. Ýene-de bir täze ugur Astrahan bilen Türkmenbaşy şäherleriniň arasynda ýola goýlar.
Birinji Hazar ykdysady forumy «Awaza» milli syýahatçylyk zolagynda geçiriler. Garaşylyşy ýaly, bu iri möçberli hadysa Hazar sebitinde we onuň çäklerinde daşarda söwda-ykdysady, energetiki, ulag, syýahatçylyk we beýleki möhüm ugurlarda halkara hyzmatdaşlygy ösdürmäge ýardam eder.
Foruma Hazarýaka döwletleriniň wekiliýetleri, ykdysady toplumyň ministrlikleriniň we edaralarynyň ýolbaşçylar, halkara guramalarynyň wekilleri, ylmy işgärler gatnaşar. Şeýle hem foruma daşary ýurtlaryň habar beriş serişdeleriniň wekilleri çagyryldy.