Azerbaýjana Aziýa sebitinde Türkmenistandan iň köp syýahatçy barýar

2019-njy ýylyň ýanwar-iýun aýlarynda Azerbaýjana daşary ýurtlardan 1,4 million syýahatçy bardy. Bu görkeziji 2018-nji ýylyň degişli görkezijisi bilen deňeşdirilende 86 müň adam ýa-da 6,5 % köpdür, diýip ORIENT agentligi AzerNews agentligine salgylanyp habar berýär. 
Azerbaýjana baryp görýän syýahatçylaryň ýarysyndan gowragy Russiýanyň we Gruziýanyň paýyna düşýär. Hususan-da, Russiýadan barýan syýahatçylar 414 müň adam (ösüş 2,6 göterim), Gruziýadan barýan syýahatçylar bolsa, 342 müň adam (22,8 göterim) boldy. Türkiýeden Azerbaýjana barýan syýahatçylaryň akymy birinji ýarymýyllykda 147,7 müň adama ýetdi (ösüş 3,7 göterim).
Aýratyn hem Aziýa ýurtlaryndan barýan syýahatçylaryň sany düýpli artdy — 38 %. Umuman, bu görkeziji 54 müň adama ýetdi. Aziýa sebiti boýunça iň ýokary görkeziji Türkmenistana degişli — ösüş 85% bolup 21 müň syýahatçy.
Deňeşdirmek üçin: Hindistandan Azerbaýjana 27 müň syýahatçy (ösüş 80,2%), Pakistandan – 19 müň (24,4%), Gazagystandan – 20 müň syýahatçy (15,1%).
Wiza bermekligiň ýeňilleşdirilmegi Azerbaýjanda syýahatçylygyň ösmeginde möhüm orun eýeledi. Häzirki wagtda birnäçe ýurduň raýatlary wizany gönüden-göni azerbaýjan howa menzilinde alýarlar. Beýleki käbir ýurtlaryň syýahatçylary bolsa, onlaýn syýahatçylyk wizalaryny alyp, ýurda baryp bilýärler diýip, AzerNews habar berýär.