Eýran daşary ýurtly syýahatçylar üçin wiza almaklygy ýeňilleşdirýär

Eýran Yslam Respublikasy serhet gullugynyň howa menzillerinde syýahatçynyň ýurda girip-çykandygy baradaky möhür goýmagyny ýatyrdy. Eýrana syýahatçylyk gatnawyny ýeňilleşdirýän bu täzelik barada ýurduň daşary işler ministri Jawad Zarif habar berdi, diýip ORIENT habarlar agentligi belleýär. Täze kanun şeýle hem telekeçileri we maýadarlary goldamaga gönükdirilendir.
Eýrana wiza almagyň 2 usuly bar. Birinji usula laýyklykda, arza beriji internet arkaly e.visa.mfs.ir sowalnamany doldurýar we wiza aljak ýerini — Eýranyň konsullyk gullugyndamy ýa-da Eýranyň howa menzilindemi — özi saýlaýar. Eger-de ol howa menzilinde wiza almak islese, onda oňa tassyklamaly elektron hat we 17 belgili kod iberilýär. Eýranyň howa menziline geleninden soňra, syýahatçy pasportuna wiza we möhüre derek ýurda girendigi barada onlaýn hasaba alyş geçýär.
Ikinji ýagdaýda, arza beriji Eýranyň konsullygyna barýar we ol ýerde çap edilen wizany alýar. Şonuň bilen hem ol Eýrana baryp biler.
Bütindünýä syýahatçylyk guramasynyň maglumatlaryna laýyklykda, syýahatçylykdan alýan girdejileriniň möçberi boýunça Eýran dünýäde 68-nji ýerde durýar. Ýurtda dünýäniň 180 ýurdunyň raýatlary üçin Eýranyň howa menzilinde 30-günlük wiza bermek tejribesi girizildi.
Syýahatçylaryň arasynda meşhur şäherler — Yspyhan, Maşad we Şiraz — medeni syýahatçylygyň merkezidir. Ýurtda şeýle hem eko syýahatçylyk, sagaldyş we dini syýahatçylyk ýaly görnüşler giňden ýaýrandyr.