Türkmenistanyň Prezidenti Gurbanguly Berdimuhamedow ýurdumyzy durmuş-ykdysady taýdan ösdürmegiň geçen alty aýda alnyp barlan işleriniň netijelerine bagyşlap geçiren Ministrler Kabinetiniň giňişleýin mejlisinde Halk maslahatynyň mejlisini geçirmek hakynda karara gol çekdi. Bu barada «Watan» habarlar gepleşiginde habar berildi.
Gol çekilen resminama laýyklykda, Halk maslahatynyň mejlisi 2019-njy ýylyň 25-nji sentýabrynda Aşgabat şäherinde Ruhyýet köşgünde geçiriler.
Ählihalk forumyny geçirmek üçin guramaçylyk komiteti dörediler. Welaýat we Aşgabat şäher Halk maslahatlary Türkmenistanyň Halk maslahatynyň agzalygyna jemgyýetçilikden wekilleriň saýlawyny geçirerler we saýlananlaryň sanawyny 2019-njy ýylyň 1-nji sentýabryna çenli Türkmenistanyň Prezidentiniň Diwanyna hödürlärler.
Türkmenistanyň Ýaşulular maslahatyny Halk maslahatyna özgertmek hakynda çözgüt 2017-nji ýylda kabul edildi. Türkmenistanyň Halk maslahatynyň birinji mejlisi 2018-nji ýylda Aşgabatda geçirildi.
Türkmenistanyň Halk maslahatynyň mejlisi 25-nji sentýabrda Aşgabatda geçiriler
- 05.07.2019 22:02
- 3.4k+
