«Türkmenhowaýollary» Kazana howa gatnawyny hepdede üç gezege çenli artdyrdy

  • 20.06.2019 00:37
  • 5k+

"Türkmenhowaýollary" agentligi Aşgabat - Kazan howa gatnawlarynyň sanyny artdyrdy. Bu barada Kazan şäherindäki Gabdulla Tokaýyň adyny göterýän Halkara howa menziliniň metbugat gullugy habar berýär.
Mundan ozal bu ugur boýunça her hepdäniň anna we ýekşenbe günleri iki gatnawyň amala aşyrylandygyny okyjylarymyza ýatladýarys. 3-nji iýuldan başlap bolsa bu gatnawlara ýene biri goşular. Munuň üçin şäherleriň ikisindäki rejenamalara hem girizilen üýtgeşmeleri okyjylarymyz bilen paýlaşýarys (görkezilen wagtlar şol şähere degişlidir):
Kazan şäherinden uçuş:
- çarşenbe güni 09:30, Aşgabada 15:00-da geler;
- anna güni 10:30, Aşgabada 16:00-da geler;
- ýekşenbe güni 23:35, Aşgabada duşenbe güni 05:05-de geler.
Aşgabat şäherinden uçuş:
- çarşenbe güni 06:25, Kazana 08:00-da barar;
- anna güni 07:25, Kazana 09:00-da barar;
- ýekşenbe güni 20:35, Kazana 22:05-de barar.
Bu ugur boýunça üçünji gatnawyň açylmagy mynasybetli, "Türkmenhowaýollary" agentligi ýörite tarifi yglan etdi, petekler eýýäm satuwda.

şu gün 11:10
1.1k+

Mongoliýada Gobi çölünde Marsdaky durmuşa meňzedilen syýahatçylyk lageri dörediler

Mongoliýada adaty bolmadyk syýahatçylyk taslamasy işlenip düzülýär: Gobi çölünde myhmanlar Marsdaky ýaly şertlerde ýaşaýşy başdan geçirip bilerler. Bu başlangyjy Ulan-Batorda ýerleşýän MARS-V guramasy amala aşyrýar...

düýn 00:56
22k+

«Türkmenistan» awiakompaniýasy gyş möwsümi üçin halkara ýolagçy gatnawlarynyň tertibini giňeltdi

“Türkmenistan” awiakompaniýasy gyşky möwsümde halkara uçar gatnawlarynyň tertibiniň giňeldilendigini habar berdi. Täzelenen meýilnama dünýäniň 14 şäherine gönümel uçuşlary öz içine alýar we Aziýa, Ýakyn Gündogar hem-de Ýewropanyň möhüm ugurlaryny öz içine alýar...

22.10.2025 06:13
13k+

Mekgede al-Haram metjidiniň golaýynda binalar toplumy gurlar

Saud Arabystanynyň mirasdüşer şazadasy we premýer-ministri Muhammed bin Salman bin Abdulaziz Al Saud Mekgede “Patyşa Salmanyň derwezesi” (King Salman Gate) atly täze şäher gurluşyk taslamasynyň başlandygyny habar berdi...

16.10.2025 10:37
5k+

Tokio we Wiktoriýa syýahatçylaryň arasynda iň halanýan şäherler hökmünde ykrar edildi

Amerikanyň meşhur Condé Nast Traveler syýahat žurnaly okyjylarynyň arasynda geçirilen ses berişlikde iň halanýan şäherleriň sanawy yglan edildi. Netijelere görä, iri şäherleriň arasynda Ýaponiýanyň paýtagty Tokio, kiçi şäherleriň arasynda bolsa Kanadanyň Wiktoriýasy birinji orny eýeledi...