«Öýe barýan uzak ýol, Aziýa – 2019» ekspedisiýasy Aşgabadyň içinden geçdi

«T3» fransuz syýahatçylyk kompaniýasy şu ýylyň aprel aýynda «Öýe barýan uzak ýol» (iňl. «Long way home») at bilen 3-nji transkontinental ekspedisiýasyny ýola goýdy. Bu gezek ekspedisiýa Bangkokdan Pariže ugur aldy, diýip Arzuw NEWS habar berýär.
Ekspedisiýanyň ugry tutuş Aziýa sebitinden geçýär diýen ýaly. Ol, şol sanda, Türkmenistanyň hem üstünden geçip gidýär. 13-nji iýunda baýkerler topary Aşgabadyň içinden geçip gitdi. Moto-syýahatçylygyň muşdaklary öz ugurlaryny dowam edip, goňşy Eýran döwletine tarap ugur aldylar.
Gysgaça aýdanymyzyda «T3 Adventures» kompaniýasynyň «Öýe barýan uzak ýol» ekspedisiýasynyň şertleri şulardan ybarat: Kompaniýa motosiklli we ugrukdyryjy ulag serişdeli transkontinental baýk-syýahatçylygyna gatnaşmaga isleg bildirýänleri öýünden (Pariž) mümkin boldugyndan uzaga iberýär. Soňra, topar motosiklli 80 günüň içinde yzyna dolanýar.
Şu ýyl «Öýe barýan uzak ýol, Aziýa – 2019» ekspedisiýasy 2019-njy ýylyň 21-nji aprelinde Bangkokdan ýola düşdi. Syýahat 13-nji iýulda Parižde tamamlanar. Umumy uzynlygy 22000 km barabar bolan ekspedisiýanyň ugry gündogar Aziýadan başlap, günbatar Ýewropada tamamlanýan 16 döwletden, 40 sany ilatly nokatdan geçýär.