Türkmenistanda Syýahatçylyk baradaky döwlet komitetini düzümleýin özgertmek boýunça işler durmuşa geçirilýär. Bu barada hökümet mejlisinde maslahat edildi. Prezident Gurbanguly Berdimuhamedow ýurdumyzyň syýahatçylyk ulgamyny ösüşiň hil taýdan täze derejesine çykarmak, pudagyň kuwwatyny amatly ulanmak boýunça toplumlaýyn çäreleri kabul etmegiň möhümdigini belledi. Munuň özi halkara syýahatçylygyň meşhur merkezi hökmünde Türkmenistanyň derejesini berkitmäge ýardam eder.
Syýahatçylyk pudagy Türkmenistanyň strategik meýilnamalarynda aýratyn orun eýeleýär. Hazaryň kenarynda «Awaza» milli syýahatçylyk zolagyndaky «Awaza» şypahanasynyň gurulmagy munuň aýdyň mysalydyr. Bu ýerde erkin ykdysadyzolak döredildi. Türkmenistanyň üstünden taryhda Beýik Ýüpek ýoly geçipdir, köp sanly ýadygärlikler, şol sanda Gadymy Nusaý, Merw we Köneürgenç ÝUNESKO-nyň medeni mirasynyň sanawyna goşuldy. Köpetdagyň etegi, Garagumuň haýwanat we ösümlik dünýäsi, Amyderýanyň kenarlary, Köýtendagyň gözel ýerleri ekologiýa syýahatçylary üçin örän täsirli ýerlerdir.
Ýatlatsak, ýakynda TurStat analitik agentligi 2019-njy ýylyň maý aýynda syýahatçylaryň syýahat etmekleri üçin GDA-nyň iň gowy şäherleriniň reýtingini düzüpdi. Türkmenistanyň paýtagty syýahatçylaryň arasynda ýörgünliligi boýunça GDA şäherleriniň ilkinji onlugyna giripdi.
