21-25-nji martda Gonkongda dünýäniň 18 döwletinden ýaş alymlaryň gatnaşmagynda mekdep okuwçylarynyň ylmy taslamalarynyň halkara bäsleşigi geçirildi. Türkmenistanyň ýygyndy toparyna Aşgabat şäherindäki №26, 86 23 97-nji orta mekdeplerinden 8 sany okuwçy wekilçilik etdi. ýygyndy topara himiýa mugallymy Atamyrat Şahanow ýolbaşçylyk etdi.
Bäsleşigiň şertlerine laýyklykda, türkmen okuwçylary ylmy-barlag duetlerine birleşip, himiýa, biologiýa we ekologiýa ulgamynda taslamalary taýýar etdiler. Abraýly ylmy bäsleşikde biziň okuwçylarymyz jemi 6 sany medal gazandylar.
Paýtagtymyzdaky 86-njy orta mekdepden Abdyrahman Altymuhammedow we Nowruz Baýramgeldiýew, şeýle hem 28-nji orta mekdepden Serdar Orazgeldiýew we Serdar Gurbanmyradow kümüş medala mynasyp boldular. 97-nji orta mekdebiň okuwçylary Mekan Mekanow we Ahmet Amanow bürünç medal gazandylar.
