Häzirki günde iň dowamly yzygiderli gatnaw mälim edildi

Häzirki günde iň dowamly yzygiderli gatnaw mälim edildi

Singapore Airlines awiakompaniýasynyň uçary Singapur – Nýu-Ýork ugry boýunça 15.000 km-den gowrak aralygy geçýär. Bu şäherleriň arasynda göni gatnaw üçin kompaniýa has uzak aralyga uçýan magistral A350-900 uçaryny ulanýar. Uçuş, takmynan, 19 sagat dowam edýär – häzirki günde bu raýat awiasiýasynda syýahatçylary bir punktdan beýleki punkta yzygiderli gatnaw wagtynda uçaryň howada bolýan wagtynyň dowamlylygy nukdaýnazaryndan rekorddyr. Şeýle maglumatlary syýahatlar baradaky analitiki maglumatlar bilen meşgullanýan Cirium kompaniýasy berýär. Muny tourprom.ru ýetirýär.

Hünärmenler has uzak aralyga uçuşlaryň has meşhur bolmagynyň birnäçe sebäplerini düşündirdiler. Şolaryň biri-de, uçuş aralygy uzak bolan önümleri hödürleýän Airbus we Boeing tehnologiýasydyr. Olardan iň esasylary 2014-nji ýylda ulanylyşa girizilen Boeing B787 Dreamliners uçary we 2015-nji ýylda uçup başlan Airbus A350-dir. Şeýle-de bolsa, 2019-njy ýylda kowidden öň 30-a deň bolan has uzak ugurlaryň sany 2022-nji ýylyň iýul – sentýabr aýlarynda 22 liniýa çenli azalar.
Uzak aralyga uçmak boýunça ikinji orunda Singapur – Nýuark ugry ýerleşýär. Uçar reýtingiň lideri bilen tas deň aralygy geçýär. Üçünji orny bolsa Awstraliýanyň iň uly awiakompaniýasy Qantas-yň gatnawy: Pert – London eýeleýär (bir tarapa 14.500 km-den sähel az).