Usik Joşuany rewanşda ýeňip, dünýä çempiony titullaryny saklady

Usik Joşuany rewanşda ýeňip, dünýä çempiony titullaryny saklady

Ukrainaly boksçy Aleksandr Usik britaniýaly Entoni Joşuany ýeňip, super agyr agramda Bütindünýä boks assosiasiýasynyň (WBA Super), Bütindünýä boks guramasynyň (WBO), Halkara boks federasiýasynyň (IBF) we Halkara boks guramasynyň (IBO) wersiýalaryna görä dünýä çempiony titullaryny gorady. Bu barada rsport.ria.ru habar berýär.

Rewanş söweşi Jiddada (Saud Arabystany) geçirildi. 12 raundyň netijesi boýunça, Usik emin agzalarynyň tapawutly karary bilen ýeňiş gazandy.
Geçen ýylyň sentýabr aýynda Usik titul söweşinde Joşuany emin agzalarynyň biragyzdan karar bermegi bilen ýeňdi.
Ýeňilmedik 35 ýaşly ukrainaly boksçynyň hasabynda professional ringde 20 ýeňiş (13 – nokaut bilen) bar. 32 ýaşly Joşua 24 söweşde ýeňiş gazanyp (22 – nokaut bilen), üç gezek ýeňildi. WBC-niň wersiýasy boýunça agyr agramda çempion guşagynyň eýesi britaniýaly Taýson Fýuridir.