Noýabr aýynyň başyndan ýaşaýyş üçin ygtyýarnamasy bolmadyk syýahatçylar Kataryň çägine diňe futbol boýunça dünýä çempionatynyň janköýeriniň şahadatnamasy – Hayya card bolan ýagdaýynda girip biler. Bu barada Hayya platformasynyň ýerine ýetiriji müdiri Said al-Kuwari Al-Kass TV teleýaýlymynyň efirinde aýtdy diýip, lenta.ru habar berýär.
“Noýabr aýynyň başyndan Katara girmek üçin hökmany şert Hayya janköýer kartynyň bolmagydyr, ony güýje girizmegiň möhüm şertleriniň biri bolsa – dünýä çempionaty üçin petek satyn almakdyr” – diýip, al-Kuwari belledi.
Onuň aýtmagyna görä, daşary ýurtly janköýerlere Hayya kartyny almaga arza tabşyrmak üçin DÇ-2022-ä petek satyn almak we özüni ýaşaýyş jaýy bilen üpjün etmek zerurdyr. Kart ýurduň çäginde 23-nji ýanwara çenli bolmaga hukuk berýär. Şol bir wagtyň özünde, ol Kataryň raýatlarynyň we daşary ýurtly wekilleriň goýberiljekdigini – olaryň bu döwürde janköýer şahadatnamasy bolmazdan ýurda arkaýyn girip we çykyp biljekdiklerini belledi.
Goňşy ýurtlardan gelýän janköýerler üçin ýurda gelip, şol gün yzyna gaýtmak mümkinçiligi bar – hasaba alyş ýakyn wagtda işläp başlajak ýörite platformanyň üsti bilen elýeterli bolar.
